طريقة الرنساج للشعرالأشقر الرمادي و الشعر الأشقر الزيتي

Saturday, April 29, 2017






هلا بنات كيفكم ؟

اليوم حابة اوريكم طريقة الرنساج للشعر الاقشر الرمادي و الشعر الاشقر الزيدي

بداية خليني اشرحلكم ايش يعني رنساج؟

هو اطفاء اللون البرتقالي بالشعر الي يطلع بعد فترة من الصبغة و غالبا تكون صبغة فاتحة اشقر رمادي او زيتي 

دايما هذه الالوان تفسخ بسرعة و تقلب على اورنج و الحل هوا صبغة مصغرة تسمى رنساج وهذا مصطلح فرنسي

معناته Rinse أو شطف و غسيل الشعر 

الطريقة تعلمتها من صديقة لي 

الكميات الي راح اذكرها تناسب شعر طويل كثيف يعني انتي غيري في الكمية بما يناسب شعرك


الأدوات : 

٢ أشقر رمادي فاتح جدا جدا يفضل صبغة بدون أمونيا انا استعملت لوريال



١ صبغة لون أزرق



١ صبغة لون أخضر



١ أكسجين ٢٠ علبة صغيرة



نصف علبة بلسم 


الطريقة :

اذا كنت تبغي الصبغة اشقر رمادي حطي الازرق فقط

اذا كنتي تبغي الصبغة اشقر زيتي حطي الأخضر فقط

اذا كنتي تبغيهم مكس نفس لون شعري حطي نص أزرق و نص أخضر

تنخلط المنتجات السابقه كلهم مع بعض و تتوزع على الشعر بالتساوي و مشطي و سوي مساج بشعرك

خليه نص ساعة و غسليه وكل ما طولتي فيه أكثر عن نص ساعة كل مازاد الزراق و الخضار وبالتالي النتيجة ماتكون فوريه

يعني يحتاج تغسلين شعرك كم يوم بعد الرنساج الين يوصل اللون للنتيجة الي تبغيها 

الشيء الإيجابي في انه تخلينه يطول انه اللون ما يطفي بسرعة و الشيء السلبي انه النتيجه زي ما قلتلكم ما تكون فورية

نصيحة مهمة جدا هذه الطريقة فادتني انا ممكن تخرب شعرك تتلفه تنشفه تقطعه فأنا أخلي مسؤوليتي عشان كذا 

سوي خصلة تست او تجربه واغسليها اذا عجبتك كملي شعرك كله لان الي ينفع معايا ممكن ما ينفع معاك 

و نصيحة ثانيه مهمة جدا هذه الطريقة مو للصبغة هذه طريقة الرنساج فقطططط



تكلفة الأدوات :

صبغة لوريال بدون أمونيا ٧٥ ريال العلبة الواحدة
الصبغة الزرقاء و الخضراء ٤٠ ريال العلبة الواحدة

أتمنى تكونوا استفدتوا من الموضوع و فكلكم أزمة لأن الواحدة مو دايما تقدر كل شوية تروح الصالون و تتحمل زحمتها وعدم توفر المواعيد 


You Might Also Like

1 comments

  1. بسالك حبيبتي تصبغين الشعر بعدها تخلطين اللونين ولا كلها مع بعض
    والشعر يكون جاف او مبلول !

    ReplyDelete