Fall/Winter 2016 Trends

Wednesday, October 05, 2016


١- الكسر 
الكسر في التنانير و البلايز و الفساتين مره طالعه موضه مع انها لسا من كم سنه كانت موضه ف الربيع و الصيف عشان كدا مو مره متحمستلها لاني لبستها كتير ممكن نقطه متحمسه اني البسها بالوان ميتلايك او بخامات تانيه زي الجلد


٢- الميتاليكس
الالوان الميتاليك ما يحتاج اقلكم قد ايش طالعه موضه سواء في الملابس في الاكسسوار وحتي في الاظافر


٣- القطيفه او المخمل
موسمه اصلا الخريف و الشتا وكمان يكون موضه فيه ؟ ايش احلي من كدا خامه ثقيله و تدفي 


٤- ستراب او سير القيتار للشنط
الان الموضه مو بس ستراب للشنطه لا كمان الموضه ان الشنطه يكون سترابها عريض زي ستراب القيتار


٥- جاكيت الجينز الكبير (اوفرسيازد)
وبرضو مستمر من الربيع و الصيف انا حابته لانه سرنا اخيرا نقدر نلبسه في الشتاء

الصوره من مجله ال
٦- الشوكر الستيتمنت
الموسم الي فات كان السلسال الشوكر بسيط و نعم سواء ساتان او قطيفه او خيط جلد لكن الموسم الجاي داخل علينا بقوه بستيتمنت بليز انسوا الستيتمنت نكلس خصوصا الملون معد نبغى نشوفه كفايه 


٧-الأكمام الطويله بزياده
اوكي عارفه انو شي غريب بس من جد طالعه موضه ان الاكمام تكون طويله كانك لابسه قميص زوجك او اخوك


٨- الSchoolgirl Jumper
لبس البنات حق المدرسه برا (مريول)  مره طالع موضه خصوصا لو تحته شي كمه مره طويل او ترتل نك وعلى سيره الترتل نك كتبت موضوع عنها هنا


٩- شال الفرو كروس بدي
اوكي شال الفرو من اكثر الاشياء اللي احبها في الشتاء بس الموسم هدا الموضه انه ينحط كروس بدي 


١٠- ايحاءات من الجيش سواء لون ، نقشه ، او قصه
ويا سلام لو كان بومبر جاكيت بنقشه الجيش اكتر خليط عاجبني هذه الفتره


١١- تي شيرت ابيض تحت فستان او بلوزه عريانه
مره موضه ستايل تسعينات شويه بس كثير ناس طالع حلو عليهم حلو انه يغطي الجسم تحت الاشياء الشخلوعيه بزياده بس للاسف مو ستايلي بس زي ما قلت بنات كثير طالع عليهم يجنن

fashionista.com
١٢- الترتل نك تحت اي فستان
الخليط هذا برضو موضه و قلتلكم فوق تحت السكول قيرل جمبر يطلع ي ج ن ن .. ما لاحظتوا ان هذا الموسم كله لايرنق وطبقات؟

elle.com
١٣- البليد الرمادي
نقشه البليد طاااااغيه ع الكوتات و الجاكيتات بشكل خيالي و مره عاجبني يعطي طابع باريسي ساحر 

bustle.com, loretajag.com, @glossnailspa
١٤- الاظافر الكروم
تتبع موضه الالوان الميتاليك .. مره عاجبتني بس تعرفو صواليننا يوصلنا الشي بعد ما يشبعوا منه الناس و بدبل الاسعار اخ بس متى يتعدلوا!! ( يقولو نزل في جون لوي )


١٥- الكتف الواحد
انفلونس او تاثير الثمانينات مره طاغي هذا الخريف و الشتا و اعتقد مكمل للسنه الجايه لانه طالع كثير في عروض ربيع و صيف ٢٠١٧ خصوصا بعرض سان لوران الطريقه الحديثه من الون شولدر مره عجبتني بالقمصان خصوصا و المميز كمان هذه المره في هذه الموضه انه جايه على جاكيتات كمان انه يتلبس كانه نص جاكيت نفس الصوره فوق

Photo credit : @Modernfarrah, @Trendy90s, @SaudiTrends
١٦- الباوتش
مره حبيت هذه الموضه تغيير عن الشنط المعتاده دايما الباوتش نحطها كشنط تنظيم داخل الشنط الكبيره بس هذا السيزن طلعوها وشيلوها لحالها



١٧- كومبينيشن السويتر مع التنوره المكسره
الاتنين على بعض من ابرز موضات الموسم حلوين كمان مره للمحجبات حبيت مره وشوفوا كمان بالصوره الي فوق حقت الباوتش مودرن فرح لابستها بطريقه جميله كلبس حجاب

وبس كدا تقدروا تروحوا تتسوقوا للخريف و الشتاء وانتوا ملمين بكل شي .. 
اتمنى تكونوا استفدتوا 






You Might Also Like

8 comments

  1. مره حلو تسلم ايديكي

    ReplyDelete
  2. شكرا فعلا افدتيني ...ماحبيت اخر موضه اللي اهي كومبينيشن السويتر مع التنوره المكسره

    ReplyDelete
  3. Such a nice blog for updating fashion...nice post..

    ReplyDelete
  4. هاي غدير. كتير حبيت مدونتك. تفضلي اذا حبيتي تشوفي مدونتي انا كمان:)

    ReplyDelete
  5. فنانة الله يةفقك

    ReplyDelete
  6. The collection is superb..Great post

    ReplyDelete
  7. حلوة دعاية موقع لاتي بطريقة غير مباشرة فنانة لا وحوريكم كيف الطلب وشكراً بنات انكم عرفتوني عليه وقبللا انسى زكروني صديقتي عندها الكود ليش هي بلوقر من وين جابت الكود كفاية نصي ولعب على عقول المتابعات

    ReplyDelete