University/Work Handbag Picks

Tuesday, September 20, 2016

السلام عليكم

كيفكم بنات؟

اليوم جايبه لكم موضوع انطلب مني على سناب شات

اللي هوا اقتراحات شنط للجامعه و الدوام

الاقتراحات هذه كلها من اختياري الشخصي الي اشوفه حلو و يناسب

وحاولت انوع في الاسعار عشان يناسب ميزانيه الكل 



ستيلا ماكرتني وشنطتها الكلاسيك فلابيلا مره حلوه و عمليه و تدي شكل ستايلش على اي لبس
وحلاتها تنشال باكثر من طريقه و شكلها كاجوال


السيتي الكبيره من بالنسياقا لاشك شنطه عمليه و تناسب كل يوم و تشيل كثير بس ما انصح في اللون الي فوق بيبين فيه صبغه من العبايه 


شنطه دوت كوم من فندي الجديده سارلها يمكن ٦ شهور نازله مره حلوه شكلها انيق تنفع رسمي وكاجوال تنشال باليد ، الكتف و تشوفو الدائره الصغيره في لون احمر؟ هذه باوتش مربع ينفع تنفصل وتتشال زي الكلتش ويجي لونها دايما معاكس للون الشنطه فلان البيج هادي اختاروها حمرا وكل لوون شنطه يجي لون الباوتش مختلف فاحسها قيمتها فيها هذه الشنطه لانها عمليه و توفر اكثر من خيار 


حتكلم بشكل مفصل عن هذه الماركه اول ما يوصل طلبي منهم تفكرني كتير بقويارد جلد الشنطه واقف وماسك نفسه الموديل جدا كلاسيكي مفيد للدوام للبحر للسفر المميز فيها انه تكتبين حروفك عليها نفس طريقه قويارد عشان كدا تفكرني فيهم حاطه سعرين في الصوره الاول بدون تخصيص حروف الثاني مع تخصيص الحروف على الشنطه


كيت سبيد و الموديل التوت الكلاسيكي المفيد بتويست كتكوت مره البالرينا شكلها لا يقاوم كانك حاطه تشارم ع شنطتك واللون البرقندي مره موضه 


تشابه الشنطه اللي فوق بس لون مختلف و البنت مختلفه الي ع الشنطه مره كتكوووته


توت تاني من كيت سبيد باللون الدارج الان مفيده تعيش معاك لانها ماهي موضه محدده كلاسيكيه جدا


موديل جديد من كيت سبيد ينفع تكتبي حروفك عليه بمبلغ زهيد جدا حبيت القصه و الشكل كثير يناسب بنات الجامعه




كمان موديل جديد من كيت سبيد يذكرني كثير بساك دو جور من سان لوران لكن بسعر اقل حبيت اللونين و كمان ينفع تحطي حروفك ع التعليقه اللي عليها


اجدد شنط كوتس لخريف و شتاء ٢٠١٦ حلوه و عمليه ومنزلين منها الوان تجنن


اوكي اعرف انه ام سي ام مره انتشرت بس اللون هذا جدا مميز يتطلب واحده جريئه مره حلو حبيته كثيييير يجي معاه باوتش صغير ينفع تتفك وتستخدم لحالها الموديل هذا ينقلب و يستعمل علي الوجهين



من الموديلات الجديد الحلوه من منصور قارفييل الي حكيت قصتهم هنا اسم الموديل سن باق 
من المعروف عنهم انهم يستعملو جلود ممتازه الشنطه هذه كمان تفكرني بسان لوران حبيتها


الشنطه هذه على قد ماهيا حلوه مالها حظ ما اشوف كثير يشيلوها مع انها كثير حلوه وعمليه ومناسبه لكل يوم 
ما اشوفها انتشرت ففرصه انكم تقتنوها


اوكي انا اتفهم تماما انه ممكن تشوفوها اختيار غير عملي لانها موضه وتروح بس انا اشوف عكس كدا تماما ليش؟
لانها تنقلب .. فحلو حاليا تكوني مع موضه البلومز حقت قوتشي تستمعي فيها واول ما تبدا تبطل و تقدم تقلبي الشنطه و تستعمليها علي الوجه الساده شخصيا مره حبيتها 


وبس اتمني تكونوا استفدتوا من الموضوع وقولولي ايش عجبكم اكثر
ولو عندكم اقتراحات اخرى وروني

You Might Also Like

2 comments

  1. حبيت جدا الشنط ومرتبه و اسعارها تتفاوت ..اتمنى غدير انو تتكلمين عن اللوك لدوام الشغل موش الجامعه ..احس مهم جدا
    على العموم الله يعطيك العافية

    ReplyDelete
  2. All the collection of bags are very impressive..and great collection....thank you..

    ReplyDelete