How to find your unqiue style

Monday, August 08, 2016




 فين ملاقية نفسك؟ 
اسالي نفسك فين انا مرتاحة ؟ ايش الستايل الي يشبهني الي يمثلني ؟ الاجوبة هذه راح تساعدك امسكي ورقة و قلم و اكتبي فين ملاقية نفسك .

رسالتك
اسالي نفسك ايش الرسالة او الانطباع الي تبغي شكلك يعطيه . تبغي انطباع انثوي؟ انطباع كلاسي و انيق؟ انطباع رياضي؟ انطباع مثير؟ غجري؟ كلاسيكي؟ ...الخ 
اعرفي ايش تبغى الناس تقول عنك من وراك و عن مظهرك وقتها حتعرفي ايش ستايلك الي تبغي تعتمديه الي يخلى الناس تقول هذا التعليق عن مظهرك.

سوي Mood Board او لوحة الهام
المود بورد شي مرة مهم حتى المصممين يستخدمو اذا حبو يصممو يختارو اشياء معينة تلهمهم في لوح و يستوحو منه افكارهم فانتي لازم تسوي مود بورد خاص بالستايل اطبعي و قصي و لصقي كل صورة ستايل تعجبك مرة و تتمني تكوني زيها و حطيها في بورد و خلاص سار عندك مود بورد تستوحي منها طلاتك و اللوكات الي حابة تجربيها.

 جربي حاجات جديدة 
لازم تطلعي من الكمفورت زون حقتك او منطقة الراحة عندك و تجربي اشياء جديدة حتى لو بينك و بين نفسك الين تلاقي الستايل الخاص فيكي اغلب الناس الي لاقين ستايلهم ومرتاحين فيه كانوا مروا بحياتهم بفترات كل فترة ستايل جربوا حاجات كثيرة الين لقيوا نفسهم و انتي كمان لازم تسوي كدا مو عيب ان الانسان يسوي اخطاء العيب انه يعيش و مو مرتاح ومبسوط من مظهره و ساكت عن الموضوع ما يسوي اي شي عشان يغيره.

التسوق المجنون
هذه الحركة دايما اسويها روحي السوق ببطاقة البنك اشتري كل شي يعجبك حتى لو صرفتي مليون و زبطي لوكات مع بعض و العبي زي ما تبغي ارجعي البيت جربيهم كلللهم واتصوري و تاني يوم رجعيهم كلهم وممكن تخلي الي مرة عجبوك بزيادة.

وثقي تجربتك و انتقدي نفسك
بعد ما تجربي كذا شي صوري نفسك اتفرجي على شكلك من كل الزوايا انتقدي نفسك شوفي فين اغلاطك كانك تتفرجي على شخص غريب اعرفي ايش الحلو عليك و ايش المو حلو.

التوازن
أوجدي توازن بين الي يعجبك و الي يناسبك يناسب جسمك و عمرك و مجتمعك و حياتك و الالوان الحلوة عليك.

رتبي دولابك
بعد ما عرفتي ايش ستايلك ايش تبغي تلبسي و ايش ما تبغي تلبسي تحتاجي ترتبي و تنظفي دولابك .فيه تدوينة كاملة راح انزلها بخصوص هذا الموضوع لانه يطول فيه الكلام انتظروها

اكتبي الناقص
الان انتي رتبتي دولابك و عرفتي ايش ناقص فيه و اتوقع مو اول مرة اقلكم هذه النقطة بس تعرفوا لمن تكونوا خارجين و جايين تلبسوا قطعة و تقولو يوووه ناقصني بدي اسود ولا يوه طلع ناقصني بنطلون ابيض ولا حتى شي يخص الاندروير ولا مشد ولا شراب ؟ دايما في نفس اللحظة اكتبي الناقص في نوتة في الجوال وخليها اول شي تشتريه لمن تنزلي السوق

تاثير الآخرين
دحين وصلنا اخر و اهم نقطة لا تخلي الاخرين يأثروا عليك يعني انت الان عرفتي ستايلك و لقيتي نفسك فلمن تشوفي احد لابس شي ما يلوق لك ولا ينفعلك لا تخلينه ياثر عليك دايما خليك متميزة عن الاخرين خدي من الموضة الي يصلحلك فقط و ينفعك و البسيه بلمستك الخاصة لا تقلدي احد جربي بنفسك القطع ركبيها على بعض لاقي نفسك و الي يعجبك عشان يكون لك ستايلك المميز الخاص فيك الي ما يشبه احد ابدا


اتمنى تكونوا استفدتوا من هذه التدوينة ♥ 
لا تنسوا تظهرولي دعمكم ♥♥



You Might Also Like

7 comments

  1. مره كنت محتاجة موضوع زي كيذا
    يعطيك العافية 3>ا

    ReplyDelete
  2. دايما متميزه

    ReplyDelete
  3. طرح رائع ، شكراً..

    ReplyDelete
  4. مرررا شكراالموضوع مرا مفيد . الله يسعدك ❤️❤️❤️❤️

    ReplyDelete
  5. تدوينه جميله
    و مميزه
    شكراً غدير

    ReplyDelete