Daily Discovery : Josefinas

Sunday, July 17, 2016



هاي كيفكم بنات؟
من فتره ما سويت فقره الديلي ديسكفري كنت اسويها زمان كل يوم كنت احط اي شي جديد اكتشفه و اشوفه
فقررت حاليا اكمل في هذه الفقره و احاول اخليها على الاقل اسبوعيه باني احط ماركه جديده او موقع جديد او اي حاجه جديده اكتشفتها وراح احاول ابعد عن اي شي معروف
اليوم في براند جديده برتغاليه اسمها جوزفيناز حابه اتكلم عنها
ممكن مو جديده جديده بس انا دوبي اكتشفها
البراند تصممها فيليبيا جوليو مهندسه حالمه كانت يوم من الايام بالرينا (راقصه باليه)
الجزم حقتها كاجوال و انيقه تقول المصممه انه كل فلات يحمل قصه و شخصيه مختلفه مصنعه على يد امهر صانعي الاحذيه البرتغاليين
كمان تقول المصممه انها تختار لكل شكل حذاء نوع جلد مختلف عشان يكون مناسب انه يكون فلكسبل يعني تقدر تتحرك فيه الرجل براحه و يكون يتنفس
كل مره الماركه يسوو كولكشن مختلف الي بالصوره فوق كولكشن اسمو موسكو مستوحى من ماضيها كراقصه باليه
الشوز يجي في بوكس موسيقي و الحبل يتلف حول الرجل ينفع يتشال 
مناسب جدا للي حابه الموضه هذه الي دارجه حاليا الي طلعوها ميو ميو 
الشوز هذا يكلف تقريبا ٤٠٠ يورو يعني حول ١٦٠٠ ريال او اكثر بشويه
احب الشي الي يحمل قصه و البالرينا فلات هذا سرق قلبي مع انه عندهم غيره كثير
شوفوا معايا هذا الفيديو عن طريقه الصنع وراح تقدروا هذه الماركه


المصممه سمت الماركه على اسم جدتها جوزفيناز
كل جزمه مصنعه باليد
كولكشن البالرينا العادي تكلف الواحده تقريبا ١٤٩ يورو الي هوا تقريبا ٦٠٠-٧٠٠ ريال ويختلف السعر حسب نوع الجلد
اما اكثر قطعه سبشل عندها اسمها
Blue Persian Salt

القطعه هذه مخمل و عليها حجر توباز تباع ب٣٣٦٩ يورو
يعني ١٤ الف ريال تقريبا
اوكي بالغت؟ بس هذه مخصصه لمحبين الفخامه و القطع المميزه

من الادشنز الي عجبتني ايضا
اسمها
Women for Women


قيمه هذه الفلات البالرينا ٤٦٩ يورو  يعني ٢٠٠٠ ريال تقريبا 
مخمل عليه كرستال ومعاه حبل عشان يتربط زي البالرينا و البوكس يجي مدور
الباكجنق عندها فظيع وملفت جدا جدا

ومن الادشنز الملفته ايضا 
شوزين يجو مع بعض للام و البنت 





 واحد فيهم ( الاحمر ) عليه قطعه فضه و لولو حقيقين ب ١٠٤٩ يورو قرابه ٤٥٠٠ ريال
اما الثاني (الكحلي) فعليه قطعه معدنيه محفور عليها صوره دبدوب ب٤٧٨ يورو قدابه ٢٠٠٠ ريال
و الجميل في هذا الفلات بالتحديد انه فلوسهم تروح تبرع لاطفال افريقيا لتعليمهم 

......

باختصار الماركه لفتتني لانه متعوب عليها من قصه و شغف و تصميم و طرق الصنع الى التغليف
موقعهم 
https://josefinas.com/

You Might Also Like

2 comments

  1. ايوه نبي زي هالفقرة .. ♥ ♥ ♥ ♥
    نستفيد منها ونكسب معلومات جديدة ♥
    وحبيت تصاميم الفلاتز احسها اليقنت أنيقة مرة ♥
    والشغل واضح مررررة متعوب عليه :( ♥

    شكرا لك على هالبوست ♥

    ReplyDelete
  2. مرررة الباكجنق جميييل ويجنن 👌🏽❤️
    شككرًا لك💋

    ReplyDelete