My experience with Body Bronzers

Tuesday, May 17, 2016




بما اننا دخلنا الصيف حبيت اتكلم عن اكثر من منتج جربته تدي لون حلو للجسم موقت
جربت ٤ منتجات علي فتره طويله فاقدر احكم عليهم كويس


Sally Hansen Salon Air Brush Leg in "Tan Glow"
من اكثر البرودكتس الي اشتهرت من سنوات و كثير يحبوه و قبل ما اكتشف اي من المنتجات الثانيه كنت احبه مره لكن مع الاستعمال المتكرر و ظهور منتجات اخري غطت عليه سرت ما احبه ابدا
فكرته يتبخ علي الجسم و يتوزع و يترك كم دقيقه ينشف وخلاص يعطي قلو ولمعه خفيفه و اسمرار صحي
الي اكتشفته بعد استعمال المنتجات الاخري انه لونه مقارنه بالمنتجات التانيه مره مو حلو ويعطي لون وسخ شوي
واذا ما انرج كويس قبل الاستعمال يطلع لون اخضر وكان مره شي غريب
اوفر اول الي ما يتوفرلهم غيره مو بطال مره لكن في خيارات افضل بمراحل
اخدته من صيدليه بوتس 

Soap & Glory Glow Getter 
هذا الشي مره مره احبه فكرته بخاخ نفس بخاخ سالي هانسن لكن ينشف اسرع فلازم توزعيه بسرعه قبل ما ينشف ملطخ
مره احب لونه مره قلو صحي و طبيعي و احسه مكياج للجسم يخبي البقع و الحبوب بشكل مره حلو بدون ما يسير رمادي او لون غريب اكثر واحد احبه في البخاخات
اخدته من بوتس

H&M Shimmering Body Oil
هذا زيت مفروض يخلي الجسم شيمري يعني يلمع بحيبات زي القلتر بس اخف و يعطي لون ذهبي و يعطي ترطيب الزيت للكن للاسف ما يسوي ولاشي من هدول 
وقت ما احطه بس لمده ثواني بعدين يختفي ما اعرف فين يروح و غير كدا ريحته غريبه مره ما حبيته
موجود في اتش اند ام

Victoria Secret PINK Warm & Cozy Luminous Body Bronzer
اجمل المنتجات الي ذكرتها كلهاااااااا قوامه كريمه ينحط ينفرد ع الجسم زي اللوشن 
يعطي ترطيب و قلو ولمعه ولون برونزي جميل جدا جدا جدا 
احبببببببببببببه
موجود في فكتوريا سيكريت امريكا 


قولولي ايش جربتوا منتجات حبيتوها ؟

You Might Also Like

2 comments

  1. حمستيني اجرب تبع فيكتوريا سيكرت .. بس ابغى اعرف لو يطبع عالملابس او لا ؟؟
    لانو دي دايما مشكلتي مع البودي برونزرز :(

    ReplyDelete
    Replies
    1. ولا واحد فيهم طبع علي الملابس الصراحه
      طريقتي احطه علي جسمي قبل لا البس اخليه ينشف البس الروب علي بال و اكمل مكياجي او شعري
      لمن البس لبس الطلعه يكون نشف تماما

      Delete