اخطاء في الفاشن تستفزني وما احب اشوفها

Monday, April 18, 2016





1- كعب الكيتين (Kitten heels ) 
كعب الكيتين زي ما يسموه هوا الكعب الي تقريبا ماله اي داعي في الحياة رمة قصير ما يجي اكثر من 3 سم ومستفز يعني منظره جدا سيء ولا يطول ولا حاجة بس فايدته في الحياة يطقطق و يسوي صوت مزعج حقيقي ما احبه يستفزني.

2- ارتداء اللقنق كبنطلون
اللقنق قماشته لاصقة بالجسم تبين كل التفاصيل لو فيك حبة في فخدك راح تبان يعني ابدا مو بنطلون للخروج ما في مشكلة ينلبس بالبيت او ينلبس كقطعة layering او طبقات . و كمان ينلبس مع بلايز طويلة تغطي لين فوق الركبة بس اي بلوزة اقصر من كدا big no. مو منظر انيق ولا مرتب ابدا.

3- الستيان بحبل شفاف سواء من الكتف او الخلف
صح هوا الحبل شفاف بس يبان و شايفينه و يشوه كل الملابس و الادهى والامر لو مقاس الBra غلط و يكون ضيق و لا ناط على فوق ولا نازل على تحت . في اختراعات احسن من كدا للملابس المكشفة و مفتوحة فرجاء ما نبغى نشوف حبال شفافة.

4- التايت ( الهيلا هوب ) او الشراب الكامل الأسود في عز الصيف
هذا شي شخصي خاص فيني ما بحسه يليق للصيف ابدا بالنسبة ليا مو منظر ابدا و يبشع اللبس كثير اذا مو حابة تلبسي قصير و تبي تغطي باسود ما تبغي لحمي . في رايي البسي شي طويل احسن.

5- الفسفوري مع طبعات الحيوانات تايقر او زيبرا او غيره 
يعني ما يحتاج اقول اللوك هذا قد ايش رخيص . طبعات الحيوانات و الفسفوري بحد ذاتهم قطع صعبة التنسيق لو كانت لحالها بحيث انك تلبقيها وما تباني بلوك رخيص او لوك مراهقات ما بالك لو كانوا الاثنين مع بعض و روج فوشي كمان . لا دمار شاااامل 

و بكدا هذه اكثر 5 اشياء في الفاشن تستفزني و تزعلني وما احب اشوفها 
انتوا ايش الي يتفسزكم و يضايقكم وما تحبوا تشوفوه ؟ 

You Might Also Like

8 comments

  1. هههههههههههههههههههههههههههههههههههههههههههههههههههههههههههههههه فعلا فعلا عبرتي عني بهالبوست .. من جد من جد .. هذي اكثر شي اكرهه خاصة الكعب والفسفوري مع التايقر يجيب لي صداع وغثيان

    ReplyDelete
  2. خامس نقطة منجدددد 😂✋🏼

    ReplyDelete
  3. صدددق أكثر شيء مستفز النقطه الأولى كعب الكيتين مسسستفز ومانه فايده لايطول وولا حاجه.......

    ReplyDelete
  4. OMG نفس الاشياء اللي تستفزني بالززززبط
    خصووووووصا موضوغ الليقينق:0 يعني تجي البت جمعها مش ولابد وتتحزق بالليقينق مع تيشرت صغيرووون وتوريكي أشياء انتي ماتبي تشوفيها !! استغفرالله بس
    عاد تخيلي هالمنظر اشوفه كل يوووووووووم

    ReplyDelete
  5. من الاشياء الي تستفزني البنطلون لما يكون اطول من البنت بكثير ومغطي الكعب وتدعس عليه مرة يحسسني انها انسانة مهملة ومو مهتمة بترتيبها واناقتها
    البوست مرة عجبني ❤️

    ReplyDelete
  6. من الاشياء الي تستفزني البنطلون الي اطول من قياس البنت ويغطي الكعب وممكن تدعس عليه يخلي شكلها مو مرتب وتبين مهملة ومو مهتمة باناقتها
    يسعدك على البوست 😍

    ReplyDelete
  7. اختلف معك بسالفة الكعب جداً انيق حتى كيت ميدلتون والملكة الام يلبسو لانه يعطي لوك اليقنت ومرتب وحلو في المناسبات الرسمية

    ReplyDelete
  8. انا يستفزني منظر الهيلاهوب مع لَبْس الصندل و الهيلاهوب الشبك مستتتتتتتتتفز بالنسبه لي طبعا جمب الاشياء الي قلتي

    ReplyDelete