How to wear turtle neck ♥ كيف تلبسي القبة العالية بطريقة تناسبك

Sunday, January 31, 2016




موضوع القبة العالية خط أحمر بالنسبة للكثير من الناس كونها من القطع الي مشهور عنها انها تسمن وما نتاسب الا اشخاص معينيين و المعلومة هذه خطأ !

اي احد يقدر يلبس اي موضة او اي قصة لكن بالطريقة الي تناسبه.

البنت النحيفة او الي رقبتها عالية او اللي ما عندها لغلوغ ما عندها اي مشكال في انها تلبسها باي شكل من الاشكال.

نصايحي اليوم للبنت المليانة او الي صدرها كبير . الي رقبتها قصيرة او عندها لغلوغ.

كم نصيحة صغيرة تقدر تبينك اضعف و احلى و تخلي شكلك متناسق.

1- البسي Bra اللي ما تبان حدودها دوري عليها بالمحلات اسمها Seamless Bra طبعا هذه النصيحة للكل لان مو حلو تبان حدود ال Bra حقتك من تحت البلوزة نفس ما مو حلو يبان خط اندرويرك فاحرصي انك تخفيها بانك تلبسي ملابس داخلية ملائمة.
2- اتجنبي الحلقان ( الأخراص ) الطويلة و الكبيرة راح تبان تو متش وتقصرك و تتخنك.

3- ارفعي شعرك على فوق حيعطيكي طول و نحف اكثر خصوصا رقبتك راح تبان ارفع و اطول.

4- اذا كان صدرك كبير البسي جاكيت او بلوفر راح يقص من عرضه.

5- اذا كانت سمنتك من البطن( جسمك شكل التفاحة ) البسي بلوزة او سويتر قبة عالية من تحت وفوقها شي واسع لكن انك تلبسيها لوحدها راح تزيدك سمنة.

6- اذا كانت رقبتك قصيرة اختاري نفس الي انا مختارتها بالصورة بحيث تكون مو مرتفعة كثير على فوق.

7- اذا كانت رقبتك طويلة بس عندك لغلوغ عندك حلين يا تختاريها تكون قبتها مرة مرة عالية تغطي لغلوغك توصل لوجهك او انك تختاري قبة عالية نقطة زي الي انا مصورتها اما الطول الوسط انسيه راح يقطع من طول رقبتك و راح يركز النظر على لغلوغك.

دايما البسوا الي نفسكم فيه بس البسوه بطريقة تبينكم احلى 

You Might Also Like

6 comments

  1. تسلمي عالنصايح الحلوة غدورة

    ReplyDelete
  2. حبيت ماشاءالله ❤️❤️
    الله يوفقك حبيبتي
    ❤️

    ReplyDelete
  3. ❤️❤️❤️❤️

    ReplyDelete
  4. يعطيك العافية ��
    تمنيت لو مرة وحدة حطيتي كذا تنسيق للقبة العالية ��

    ReplyDelete
  5. كثري بوستات نحبها

    ReplyDelete
  6. أستفدت شكرالك

    ReplyDelete