شنطة الـ كيلي من ايرميز ( قصتها + سعرها )

Saturday, January 02, 2016




اسمها الاساسي Sac Depeches !!

الناس هما الي سموها كيلي

طيب كيف و ليش ؟ دحين اقلكم


في عام 1892 كانت شنطة سرج حصان  الين سنة 1923 لمن Emile-Maurice Hermès ابن بيير ايرميز الي ورث

 البزنس من ابوه اتعاون مع صديقة  Ettore Bugatti صاحب سيارات بوقاتي وصمموا شنطة لزوجة ايميل بحيث انها تشيل

 السرج بس تطلع معاها السيارة وتكفي تنحط في باب السيارة

بس ايش الي شهرها؟



سنة 1955 ستايلست فلم to catch a thief  للممثلة قريس كيلي قرر انو يجيب الاكسسوارات من ايرميز

قريس كيلي مرة حبت الشنطة كثييير

بعدها بسنة قريس ماساارت ممثلة

سارت اميرة بزواجها من الامير رينيه ( امير موناكو ) وحملت على طول !

كانت تبغى تخبي خبر حملها عن الصحافة فماكان قدامها الا هذه الشنطة الكبيرة


تحطها على بطنها كانه حركة و ستايل يعني عشان ما تبان بطنها

ولانه قريس اصلا كانت ولازالت رمز من رموز الاناقة

انتشرت صورها بالشنطة وانشهرت الشنطة بدون قصد

و سارو يسموها الناس شنطة كيلي ومن هنا اخدت اسمها !



في 2010 اخدوا منها الشنطة عشان يعرضوها في متحف فكتوريا اند البرت للفن في لندن

( مشتهية ازور المتحف في قطع كثير مهمه لديور و بالنسياقا و اشياء ثانية تاريخية )

الكيلي عشان تنصنع تاخد يوم ونص!

جلدها عبارة عن ثلاث طبقات عشان يكون واقف بهالطريقة

داخلها جلد معزة

وكل الهاردوير مطلي ذهب للتصاميم الكلاسيكية العادية اما القطع المميزة فممكن تكون كاملة ذهب او الماس حتى

قياساتها كثير من اصغر شي للكبيرة بحجم 50 سم

كل نوع جلد يجي من بلد معين يختارون من كل بلد افضل شي

جلد البفلو من باكستان و التمساح من استراليا و القرش من تايلند اما الليزرد من ماليزيا و alligator ( التمساح الامريكي )

 من فلوريدا

كل شي باليد وهذا فيديو لطريقة صنعها



ظهرت في فليم لا ديفورس لمن خطيب الممثلة اهداها واحدة ولمن سابتو رمتها !


نعم رمت ايرميز حمرا كروكدايل



ااقطع هدومي ؟؟  ( باللهجة المصرية )

طيب نجي للسوال الي محير الجميع كم سعر شنطة ايرميز كيلي ؟

على حسب المقاس بس تبدا من الجلد التوقو ( ارخص جلد عندهم ) مقاس 28 سم 9900$  يعني 37 الف ريال

كيف تحصلي عليها ؟

في قائمة انتظار تطول لسنوات و صرحوا ايرميز في سنة 2010 انهم الغوا الانتظار وراح يباع الموجود فقط

لكن في دبي من سنتين كان في قائمة انتظار و سجلنا اسامينا انا واخواتي والى اليوم لا حس ولا خبر

عموما في موضوع منفصل راح انزله قريب عن كيف تحصلي عليها بدون قائمة انتظار سواء هيا او شنطة البيركن من ايرميز

انتظروني 

You Might Also Like

4 comments

  1. موضوع مميز يعطيك الف عافيه��

    ReplyDelete
  2. thannnnnnnnnnnnnnx really u r amazing blogger

    ReplyDelete
  3. واخيييييييييرا 😍🙏🏼😭
    من جد من زمان كان نفسي فيه
    مره شكرًا و يعطيك الف عافية🌹😘
    دايما في انتظار مواضيعك الرائعة 👍🏻

    ReplyDelete
  4. مره شكرًا موضوع حميل 😍👍

    ReplyDelete