Education : Difference Between Valentino Brands

Sunday, December 06, 2015







لمن تسوي شوبنق اون لاين او حتى لمن تسافري تلاقيكم تتلخبطوا بين كذا اسم لفلنتينو 
فيه 
  • فالنتينو قارفاني  Valentino Garavani
  • ريد فالنتينو Red Valentino
  • فالنتينو Valentino 
  • فالنتينو باي ماريو فالنتينو Valentino by Mario Valentino
  • فالنتينو اومو Valentino Uomo
  • فالنتينو روما Valentino Roma
  • جيوفاني فالنتينو Giovanni Valentino 
كثير صح ؟ وممكن تغلطوا تشترو من ديزاينر او لاين انتو تعتقدوا انه لاين ثاني 

طيب خليني اشرحلكم و اوضحلكم اكثر اولا في هذه الحالة مافي شي تقليد ومافي شي اصلي لان فالنتينو اسم عائلة واسم ذكر كمان منتشر في ايطاليا عشان كدا سار هذا التشوش و سوء الفهم عند الكثير !

لمن نتكلم عن فالنتينو الأشهر والي بكل مكان و الي صندل فلنتينو الشهير الي فيه سترابس من عندهم والي من التريد مارك حقتهم الستدز فاحنا نتكلم عن قارافني فالنتينو .. قارفاني اسم المصمم و المؤسس للماركة الي درس التصميم في فرنسا و أسس ماركته في سنة 1960 . ماركته الخاصة المشهورة بدار فالنتينو الي تنافس اكبر الاسماء عندها أكثر من خط ازياء.

الخطوط التابعة لقارفاني فالنتينو هي :
الخط Valentino : خاص بالقطع الي نشوفها في عروض الأزياء و أسابيع الموضة.

الخط Red Valentino : هوا للقطع الأنثوية الرومانسية الي القياس حقها يكون مرة مضبوط (good fitted) اكثر يستعمل فيها الدنتيل و التل و الخام الأنثوي.

الخط Valentino Garavani : الخاص بالإكسسوارت من أحذية , شنط , جلود , سكارفات ....الخ

الخط Valentino Uomo : خاص بالقطع الرجالية من بدل رسمية و غيره.

الخط Valentino Roma : نقدر نقول الخط الكاجوال اكثر وملابس العمل و الملابس اليومية للنساء.


أما المصمم الثاني فاسمه ماريو فالنتينو .. ماريو فالنتينو فعليا بدأ قبل قارفاني فالنتينو المشهور فبدأ خطه الخاص و ماركته سنة 1952 وكان قبله في البزنس ابوه Vincenzo Valentino الي كان يعمل في تصميم و صناعة الأحذية.
كل قطعه من ملابس و اكسسوارات من شنط و احذية و غيره تحت اسم ماريو فالنتينو او فالنتينو باي ماريو فالنتينو.

بعده جا ولده جيوفاني فالنتينو الي بدأ ماركته الخاصه بعد وفاة والده تحت خطين جيوفاني فالنتينو و جياني فالنتينو لكن ماركته شوية فاشلة حتى لو دخلته على موقعه قديم ومو محدث و شكله جدا سيء مو بمستوى شغل قارفاني وماريو الي يعتبرو luxury brands.


وبس هاذا شرح لماركات فالنتينو عشان لمن تشتروا ما تتلخبطوا و لا تاخدو شي بسعر ما يسوى كذا تقدرو تفكروا و تقرروا ايش الي يستحق وايش الي ما يستحق على حسب الي تفضلوه خصوصا انو الماركات دي كلها موجودة في الاوت ليتات و في مواقع كبيرة زي ساكس وغيرهم !


You Might Also Like

0 comments