Review : The Wet Brush

Thursday, October 22, 2015






سمعت كثير مرة عن فرشاة الشعر The Wet Brush ومرة اتحمست اجربها وكنت كل مرة اروح وايتس ادورها ما الاقيها فقررت اطلبها اون لاين من امازون و الحمدلله اني سويت كدا وما استنيت اكتر !
الفرشاة اسنانها مرة نحييييييفة وباخر طرفة كورة ربر يقال انها تفك التشابك بسهولة ما تسبب تكسر الشعر ولا تقطعه و ما تخليه ينفش وانها تصلح للشعر الجاف و المبلول 
سارلي فترة مجربتها و اقدر اقلكم انها فعلا تسوي كل شي يقولوا انها تسويه !
رائعة قليلة عليها ممتازة على الشعر ما تشد ولا تكسر ولا تقطع الشعر ولا تعور وقت التمشيط خصوصا اذا الشعر معقد تفك التشابك بسلاسة و نعومة وبدون الم و ما تنفش الشعر ولا تسبب كهربا الي تجي احيانا من تمشيط الشعر الجاف 
لاحظت فرق كبير وانا استعملها بوقت التمشيط مرة اقل وبدون الم وكمية الشعر الي يطيح عندي بعد التمشيط قلت بكثير لانها ناعمة على الشعر ما تشده ولا تقطعه
انصح فيها؟ نعم و بشدة
سعرها في وايتس 35 ريال اعتقد بس انا اخدتها من امازون ب9 دولار

You Might Also Like

1 comments

  1. Nice photo :)
    BLOG M&MFASHIONBITES : http://mmfashionbites.blogspot.gr/
    Maria V.

    ReplyDelete