July's Favorites مقضلات شهر يوليو

Saturday, August 08, 2015





The Balm Nude Dude Eye Shadow Palette 
ماركة ذا بالم قاعدة تذهلني بمنتجاتها و شكلها بتسير من قائمة الfavorites عندي و السبب اكثر من برودكت لهم قاعدين يطلعوا بمفضلاتي كل مرة الاي شادوز حقتهم مرة بيقمنتد وتندمج بسهولة 
الحلو كمان في الباليت حجم المرايا مرة حلو تقدري تحطي مكياجك عليه بسهولة اذا خرجتي بسرعة و بتحطي في السيارة
ما سويتلها سواتش للأمانة جبتلكم سواتش من بلوق Beautepop
الالوان ترابية كلها وتستعمل يوميا فالباليت اعتبرها فعلا من المست هاف 
اكثر لون احبه فيها فابلس هاي لايت مرة حلوووووو و يستعمل اكثر من مكان 




The Balm Meet Matte Palette
كمان ميت مات من الباليتات المهمة مرة ومست هاف لانه فيها اهم الالوان الاساسية المات تماما ولا نقطة لمعة تقدري تستعمليها في كل لوك سواء نهاري ولا سهرة البقمنت حقها ممتاز لون واضح و يندمج بسهولة سايرة استعملها يومياااااا 



ISIS Teen Derm Gel Cleanser 
الغسول هذا كتبلي هوا دكتور الجلدية و سارلي فترة طويييييلة استعمله و بشرتي كل مالها في تحسن  انا بشرتي مختلطة ومع هذا الغسول سارت متعادلة لابعد درجة ومعد يطلعلي حبوب ولا اي شي مزعج خلص قبل تقريبا شهر وسرت استعمل غسول ثاني لاحظت الفرق كيف بشرتي تعبت مع الغسول الثاني ومعد هيا صحية و مكتمة و طلعت بعض الحبوب فرحت على طول اشتريت منه ثاني تلاقوه في صيدليات النهدي 


Palmers CoCoa Butter Massage Cream
ممكن بدري اني احطه في مفضلاتي لازم اولد و اشوف النتيجة بعد طلعت سترتش مارك ولالا بس انا مرة حابته لدرجة ابغى اتكلم عنه لاني استعملته لكل جسمي وحاسة فرق بالتطريب بشرتي سارت مرة رطبة مرة واحدة اول ما اصحى تكفي الين تاني يوم 
مكوناته مغرية مرة فيتامين اي و كولاجين والاستين و زبدة الشيا وطبعا هاذي اهم مكونات للترطيب وتجنب السترتش مارك


The Balm Schwing Eyeliner 
انا اقدر الاي لاينرات الي فرشتها نحيفة ومرنة ومافي شي قد عجبني قد محمود سعيد بس طبعا غلطة واحدة في محمود سعيد لازم تعيدي مكياجك كلو لانو ما ينفع تمسحي وتعدلي يبقع الدنيا مرررررة غير انه يحرق جوا العين سوا اصلي ولا تقليد كله يحرق لاني جربت اشتريه من اكثر من مكان سارلي 7..8 سنوات استعمله وبرضه يحرق المهم انو اي لاينر ذا بالم الوحيد حاليا الي نال عن رضايا مع انه في عيب اذا دمعت يسيح اي نقطة موية يسيح بسرعة بس ع الاقل ما يعدم الدنيا تقدري تمسحيه وترسمي مرة ثانية 


Lime Crime Velvetine Liquid Matte Lipstick in Wicked 
الشهر الي فات حطيت كاشمير من مفضلاتي ورجعت اشتريت ويكيد وكان من نصيبه يكون مفضلات هذا الشهر
اللون احمر عودي سااااااحر درجة فعلا مميزة وما تلاقوها بولا ماركة ثانية كثير عجبتني مع انو بالعادة الارواج الغامقة مو حلوة عليا 

Flared Jeans
من اكثر الموضات الي حبيتها ولبسته كثير الشهر الي فات الفليرد جينز يعني الجينز الواسع من تحت 
صراحة اخيرا افتكينا من السكيني جينز المو مريح لمن حتجربوا الفليرد جينز حتفهموا قصدي 
 راحة مو طبيعية مافي شي ملزق بجسمك بس لازم تنتبهي وانتي تشتريه اذا انتي قصيرة دوري ماركة يكون عندها قياسات بالطول زي توب شوب لانه النوع هذا ما ينفع يتقصر ابدا لو اتقصر خربت كل القصة غير كدا لازم يتلبس تحته كعب مرة عالي يدي طول و نحف فيناسب القصيرات اتكلمت عن دي الموضة في بوست موضات الصيف لـ2015 
وهذا واحد من تنسيقاتي عليه




You Might Also Like

1 comments