تجربة الشراء من موقع وادي

Wednesday, August 05, 2015



وادي موقع جديد بالعربي يبيع كل شي من التكرونيات و ملابس و ميك اب اكسسوارات للكبار و الاطفال وكل شي
يعني منوع من كل شي 
 حبيت اجربهم لكم لانهم عندهم كذا ميزة للناس الي ما تعرف تطلب اون لاين او متخوفة
وحابة تجرب شي بالعربي , و فريق خدمة العملاء كلهم يتكلموا عربي, عندهم ترجيع , و ضمان على الاجهزة لمدة سنة 
والي ما عندهم كردت كارد يقدروا يشتروا منهم كمان بخاصية الدفع عند الاستلام (فيها رسوم زيادة 35 ريال)
غير كدا انو الشحن عندهم بارامكس فري بدون اي رسوم 
وياخد المفروض 5 الى 7 ايام 
اذا اتوفرت واحدة من القطع قبل القطع الباقية يشحنوها قبل سارت معايا شحنوا المتوفر في نفس اليوم واتصلوا بلغوني وبعدها بيومين شحنو القطعتين الباقية بدون اي رسوم اضافية 
اول ما تسوي الطلب يرسلولك رسالة على جوالك بتفاصيل الطلب
واول ما تنشحن يرسلولك على الجوال رقم التراكنق ورقم ارامكس و موقعهم عشان تتبعي القطع
غير انهم يتصلوا كمان يعني حسيت منهم باهتمام بالعميل و بادق التفاصيل وا رقام التواصل حقتهم كلها مجانية




الباكجنق نظيف ومرتب

هاذي القطع الي طلبتها
الصراحة ما اتوقعت تكون الكواليتي ممتازة كدا 
الاقمشة حلوة و جودتها كويسة 
أخدت هذا الكروب توب حبيته قماشي صيفي خفيف و اللون رايق و لطيف 


واخترت هادي التنورة الميد لنث Mid-length طولها لنص الساق و قصتها دائرية Circle 
حبيت الاتنين مع بعض وحبيت كل قطعة لحال كلهم يتنسقوا باكثر من طريقة 
وهادي واحدة من التنسيقات الي ممكن تنفع مع الاتنين 


You Might Also Like

1 comments

  1. (وادي موقع جديد بالعربي يبيع كل شي من التكرونيات و ملابس)
    توي أدري أن فيه موقع يبيع تكرونيات .. !!!

    ReplyDelete