Istanbul/Turkey Haul مشترياتي من اسطنبول

Friday, July 17, 2015





السلام عليكم بنات

اغلب الي متابعني في سناب شات طلبتوا تشوفوا ايش اشتريت من اسطنبول 

وطلبتوا اعطيكم shopping tips  يمكن المرة هذي لانها مو اول مرة زايرة اسطنبول

ولا كانت سفرة سياحة ماراح تشوفوا المشتريات المعتادة حقت اي احد جاي سائح لاسطنبول بس بحاول اعطيكم

tips على قد ما اقدر واذا عندكم اي سؤال اسألوه ولا تترددوا 

اول شي اشتريته المكياج طبعا مين يقدر يقاوم ؟ 

في درق ستور عندهم اسمه Gratis فيه ماركات مكياج مو موجودة عندنا زي The Balm و Wet n Wild 

واسعارهم تجنن خصوصا انه يسوون خصومات توصل ل50% فتاخدينهم ارخص من موقعهم بأمريكا حتى 

الدرق ستور هذا موجود بكل مكان حرفيا بكل الشوارع وبكل الاسواق فلا تخافون راح تلاقونه وين ما رحتوا باسطنبول

بالنسبة للباليتات أخذت هذي ال4 





أحترت بين نود تيود Nudetude و نود دود Nude Dude ولمن شفت عليهم 40% قلت ليش ما اخذ الاثنين ؟ هههههههه









اما باليت Meet Matte من مدح البلوقر رنيم وكثر ما تستعمله كثير أغرتني خصوصا انه يحتوي على أهم الألوان المات 



هذا الباليت من وت ان وايلد ما قدرت اقاومه ابدا ابدا ابدا ابدا

هاذي مو اول تجربة ليا معاهم جربت من قبل 4 او 5 سنوات اذا تفتكروا الباليتات ColorIcon الي نزلوها كانت تجنن

هنا ريفيو سويتها لهم سنة 2011 هههههههه لا تدققوا على مستوى البوست قلتلكم 2011 هنا الرابط

المهم انه ويت ان وايلد تشتروا من عندهم وانتو مغمضين احسن ماركة درق ستور حتمر عليكم بالتاريخ

جودتها راااااائعة عيبهم التعليب سيء جدا كانها مكياج اطفال او لعبة  بس عادي ايش همكم اذا جودة عالية جدا برخص التراب؟


شايفين جمال اخر لون ع اليمين ؟ قتلني 

اسم الباليت Color Icon EyeShadow Collection 

في منها 3 درجات كل في باليت على موفيات وفي باليت الوان صارخة وفي هذا اسمه Comfort Zone


أخذت كمان من Th Balm اضاءة\برونزر Betty-Lou 

على مدح البلوقر وفاء و شفتها عليها أكثر من مرة وعحبتني 


انا ليا تجربة مع اضائات ذا بالم من قبل مع ماري لو ومرة تعجبني اضاءتها قوية مرة مناسبة للسهرات 


عندي نقص آي لاينرات ودايما اسمع مدح على هذول اخدتهم كلهم 

اول واحد على اليمين اي لاينر ذا بالم

اللي بالنص وت ان وايلد ووتر بروف 

و الي باليسار آخر واحد وت ان وايلد ميقا لاينر 

كلهم الثلاثة فرشهم رفيعة وهذا الي احبه في الآينرلاينر ويريحني بالرسم


انا انسانة ما تقاوم اي شي يلمع و قلتري اتجنن على طول 

وما عندي قلتر ذهبي شفت هذا من وت ان وايلد قلت اجربه 

ماني متطلعة انو يكون واو لان قوامه جل بس انشاء الله راح اجربه و اقولكم على النتيجة

وبكدا نكون خلصنا مشتريات الميك اب 

بقلكم على محل اشياء بيت مرة يجنن ما يتفوت اذا رحتوا تركيا اسمه English Home 

انا حسبته براند عالميه صراحة من الاسم ما اتوقعت انه يكون شي Local محلي أبدا أبدا 

اشيائهم اغلبها شابي شيك الستايل بجودة عالية و أسعار ممتازة 

موجود في أغلب الأسواق و شوارع التسوق المعروفة

أخدت منهم حاجات للمطبخ كنوع من التغيير ثيم كامل جديد 

طبعا عندهم أكثر من ثيم تلاقون كامل الإكسسوارات مع مقاعد كراسي سفرة ومفارش ومناديل سفرة ومراييل وكل شي ممكن يخطر

 على بالكم له علاقة بالطبخ و تقديم الأكل يكون بنفس الثيم وفي حاجات أكثر من الي اخدتها بهذا الثيم بس أكتفيت بدول




مناشف بعلاق يتعلق


هدا زي الSleeve ينحفظ فيه الخبز .. او اي حاجة انتي حابة تخزنيه فيها 


ما عرفت لايش باستعملها بس ما قدرت اقاوم تصلح للخبز , كيك , الاشياء الي لازم تكون برا في المطبخ و شكلها لو انحطت كدا مو 

مرتب زي ريموت المكيف , ولاعة ... الخ 


وأخدت لحاف العيد منهم كمان


أخدت من زارا هوم اخيرا لسرير البيبي بعض الاشياء طبعا الكولكشن متوفر عندنا بس في تركيا زارا هوم أرخص و كمان كان 

الكولكشن مخفض وعندنا لسا كولكشن جديد 

فاستغليت الفرصة اخدت شرشف مرتبة و لحاف و لبس مخدة و بكمل باقي الاكسسوارات من مخدات اضافية من هنا ان شاء الله 


أكثر قطعة حبيتها هاذي تنربط على طرف سرير البيبي فيها جيوب تخزين اتوقع هي اصلا لطاولة تغيير الحفاضات 

بس انا حابة استعملها للسرير


انا سايرة اي شي نيون اورانج يجذبني لاحظت اغلب الملابس الي اشتريتها بآخر فترة كدا

هاذي كروب توب قصيرة صيفية بألوان نيون من بيرشكا 


جينزات توب شوب من أجمل الجينزات الي سعرهم كويس لقيت عليهم سيل الجينز ب 49 ليرة بالكثير يطلع 70 ريال طبعا عمري

ما شفت دا السعر لا اون لاين ولا عندنا لمن يسوون سيل ولا بأي بلد فما قدرت أقاوم اخدت واحد لبعد الولادة 

ايش يميز جينزات توب شوب ؟

انها خفيفة بس نفس الوقت خامة مرتبة و تلم الجسم وما تبين العيوب 

غير كدا انه قياسها يجي بأطوال مختلفة فيناسب البيتيت و القصار خصوصا اذا كنتي متعودة دائما تودين الجينزات
للخياط يقصرهم زيي 

يجي القياس الـW اختصار waist الخصر هذا قياسك المعتاد اما الـ L اختصار Length يعني طول الجينزيبدا من 28 - 30 - 32 -34



تنورة صيفية من بيرشكا ستايلها هاي ويست و فتحات يمين و يسار من قدام الى الفخذ 

قماشها ناعم و نقشتها و شكلها ستايل التسعينات من زمان نفسي فيه وطلعت كثير حلوة مع بطن الحمل


طقمت معاها هذا الكروب توب من بيرشكا برضو 


نجي حق الشي الي من زمااااااااان نفسي فيه من كارتييه 

السلسال اللي من كولكشن Diamants Legers De Cartier  مشهورة باسم السبوت لايت 

هذا من موقعهم الرابط

 السلسال استعمال يومي و قطعة عملية جدا ذهب عيار 18 و الألماسة 0.10 قيراط في حجم أكبر بس اخترت الأصغر 

كان نفسي بالروز او بنك قولد بس طلع الذهبي علي أحلى 


القطعة الثانية الي نفسي فيها من زمان و بالويش لست حقتي هالسنة 



فلات شانيل الكلاسيك ولا مرة لقيت مقاسي في أي فرع باللون الأسود الكلاسيكي 

طبعا فلاتات شانيل البالرينا معروفة بالراحة القصوى و القصة المرتبة



أهم Tip لازم تعرفوها وانتو تتسوقون بالسفر

دايما لمن تشتروا Luxury Item  حتى لو كانت ارخص قطعة بالمحل وما حطيتوا فيها مبلغ كبيرة

اطلبوا من المحل كيس أبيض سادة

وكل المحلات عندهم لأن الحرامية في الشوارع في السفر كثير و يتصيدون السياح 

اذا شافوك ماشية بكيس كارتييه ولا شانيل ...الخ بيضلوا وراكي على أساس معاك مبلغ و يراقبونك 

فدايما اطلبوا كيس أبيض يحطونلك الكيس الأساسي داخله عشان ما يبين 

الTip هاذي اتعلمتها من كارتييه فرع برشلونة هما من نفسهم حطولي الأغراض داخل كيس أبيض وقالولي عشان الحرامية الي يتيصدوا السياح

 من بعدها وأنا كل ما اشتري شي وانا مسافرة اطلب من المحلات الكيس التمويه 

وهاذي كانت كل مشترياتي في السفرة القصيرة 

اذا عندكم اي سؤال او استفسار اتفضلوا D: 


You Might Also Like

3 comments

  1. ماشاء الله… تتهني فيهم يارب ، ولبس العافية ^^

    بوست مغري صراحة ، كنت ابغى اخذ،لي مكياج

    كأول تجربة طلب من موقع برا ، و ذا بالم مرة يجنن . عاد أنا

    ما صدقت خبر ، وعزمت النية >> انقلعي…

    شكرًا ع وقتك وجهدك ، و ربي يسعدك فين ما كنتِ

    ReplyDelete
  2. عقد كارتييه مرره جمميل ونااعم ، حبيييته ، لبس العافيه
    وشششككراً

    ReplyDelete
  3. بكم اشتريتي عقد كارتييه مسافرة وحابة اعرف السعر دي تاني مرة باْذن الله بسافر وحابة اشتري حاجات ... ماشاءالله مشترياتك تجننن تتهني فيها يارب

    ReplyDelete