Trend Alert : Summer 2015 ( Eid Inspirations )

Saturday, June 27, 2015


سبق و اتكلمت قبل كدا عن موضات الأحذية لهذا الموسم هنا  اليوم راح اتكلم عن أقوى و أهم 7 موضات للموسم هذي الي ممكن تقتبسي منها لملابس العيد و تجهزي فيها خزانة الصيف .




الجينز الواسع من تحت Flared Jeans



من أقوى موضات الصيف وراح تستمر فترة طويلة لأنه فعلا ملينا من السكيني جينز الي لازمنا لسنوات ومحتاجين هذا التغيير شفناه في عروض الأزياء و الستريت فاشن مره كثير المفاتيح عشان تنجحي بإطلالة متكاملة لابسة فيها الجينز الواسع من تحت او الفليرد جينز بسيطة جدا 

أول قاعدة : ضروري تلبسي كعب و بالغي فيه خصوصا اذا كنتي مو طويلة لانه يساعدك ماراح يكون باين وراح يطول سيقانك و يعطي ايحاء بطول و نحافة.
ثاني قاعدة : لا تختاري توب ماسك و ضيق من فوق ايش ماكانت الظروف ولا بودي ولا شي لانه ابدا ما يليق لازم تلبسي شي فلوي flowy شوية او اذا كان خصره مرة عالي ممكن كروب توب بس ما يكون ضيق بدون اضافات تعطيه روح و انسيابية و حركة.


الفستان القميص Shirt Dress




الموضة هادي بسيطة و منعشة وقواعد انك تنجحي فيها بسيطة جدا أهم حاجة فيها انك تختاري قماش ذو نوعية جيدة و قصة حلوة تناسب جسمك و اتميزي بالاكسسوار و الشوز اختاري شي ملفت و with a vibe بالنسبة ليا الطلة المثالية بشيرت دريس ابيض بقماش واقف و صندل على طريقة السبعينات بلون قوي و إكسسوار يتماشى معاه .


  الكلوتس Culottes 



ايش هيا الكلوتس ؟ هوا بنطلون واسع من فوق وتحت بس طولة يجي Mid length تحت الركبة او أطول شوية من أهم موضات الموسم منتشر و ساير بكل المحلات بس مرة صعب تنسيقه و ما يصلح لأي جسم خصوصا اذ كانت سيقانك من بدايتها مليانة و عريضة في هذه الحالة حاولي تبتعدي عنه هذي الموضة مو لك او ممكن تتلاعبي بالشوز بحيث انك تخفي المشكلة على قد ما تقدري بانك تلبسي كعب جدا عالي بالوان نود تزيد طول و نحف بدون اي سترابس او ربطات .


الجيليه الطويل بحزام + الترنش كوت الي بدون أكمام 
 Belted long-line Vests + Sleeveless Trench coat


Long line belted vest 

sleeveless trench-coat


حطيت الموضتين هادي في نقطة واحدة لانها كثير متشابهه الفرق في تفاصيل بسيطة الأولى هي الجيليه او السديري او ايش ماكان تسموه الي هوا من موضات السنة الي راحت بس الي سار الصيف هاذا انو سار مخصر و بحزام ومحدد ملامح الجسم بطريقة أنثوية فما يحتاج انك تشتري قطعة جديدة جددي الفست حقك حق السنة باضافة حزام الموضة دي انا من اكبر مشجعيها لاني احب الطبقات و الاضافات في اللبس خصوصا اذا كانت تنحف غالبا طبقة الفست تخبي شوية اذا كنتي زايدة كم كيلو حاولي تخليه يبان بطريقة كانه لف ممكن تقفلي بمشبك او بحزام . الموضة الثانية هي الترنش كوت الكلاسيكي لكن بدون أكمام و بأقمشة أخف و بحزامه المعتاد التفاصيل وطرق اللبس نفسها نفس اللونق لاين فست ما تختلف.

الحزام اللف الياباني بالحجم المتوسط و النحيف Medium and Skinny Obi Belt



حزام الكيمونو اللف رجع بقوة افتكر كان موضة لمن سووه قوتشي قبل 4 او 5 سنوات باللون البرونزي العريض و اختفى فترة ودحين رجع بس مو نفس موضة اول بالحجم العريض الموسم هذا جا بتغيير بالمقاس النحيف و الوسط. الحزام هذا يعتبر الصراحة القطعة versatile تقدري تضيفيها على اي لبس ممكن على موضة الفستان القميص وممكن على الفيست الطويلة وحتى على الجينز الواسع اذا كان هاي ويست فممكن انك تستفيدي منه بكذا طريقة يخصر بطريقة جميلة و أنثوية.

اللون الأبيض من فوق لتحت White Head To Toe 



أجمل شي في الصيف بالنسبة ليا اللون الأبيض عشقي الأول و الأخير ينعش كل حاجة ويبين كل شي جميل مع بشرة الصيف المسمرة و لون الروج البيرفكت قمة الكمال.
المفتاح في انك تنجحي في تطبيق الموضة هذه انك اول حاجة تنتبهي للون ملابسك الداخلية لازم تكون ابيض في ابيض بدون اي نقط او نقشات او خطوط و اذا كنتي ممتلئة اختاري قصات تنحف لان الابيض يعطي ايحاء بزيادة الوزن اذا كان اختيار القصة غلط وانتبهي انو يكون مكوي كويس ونظيف جدا ولاتلبسي الا لمن تخلصي ميك اب لانو حتى البودرة الطايرة و الشعر الوبر يبين فيه.


You Might Also Like

1 comments

  1. حبيت الجينز ,الكلوتس,الابيض من فوق لتحت , اما الباقي ما احسه يلائم المجتمع او ما يفهم فيه الا اللي يفهم في الفاشن, لان البعض ممكن يشوفه "لحجي"

    ReplyDelete