Jewelry for you body type المجوهرات المناسبة لنوع و شكل جسمك

Wednesday, April 03, 2013

البوست الي فات وعدتكم اتكلم عن كيف تختاري مجوهراتك 
طبعا لازم يكون عندك طقم فضي او دهبي على حسب فساتين السهرة حقتك وعلى حسب ملابسك عامة عشان يمشي مع كل حاجة ويكون بدون حجر
الطقم الي بحجر هذا اضافة بعد ما يكون عندك طقم اساسي سادة 
اختاري طقم لو لبستي القطع حقته لحال يفيدك
يعني تلبس الخواتم لمن طالعة جمعة او عزيمة
تقدري تلبس الحلق لحال 
عشان تستفيدي منه اكتر وما يقعد في الدولاب بالشهور ما يتلبس




نبدا باشكال الوجه 
الوجه المدور زيي وغالبا ما يصاحبه رقبه قصيره او متوسطة الطول في كل الحالتين اذا رقبتك قصيرة او وسط او وجهك مدور المطلوب في الموضوع انك تضيفي طول 
كيف ؟
ابعدي عن الحلقان الهيوج الحجم الكبير جدا خصوصا الهوب 



اختاري حلق طويل ونحيف عشان يزيد من طول رقبتك ويخفف من حدة تدويرة وجهك
وممكن كمان تختاري الحلقان الي على شكل دمعة وفيها تقويسات لانها تدي ايحائات وتخفف من حدة الدويرة وتخلي في شوية انسيابية 
وطول

اذا كانت دقنك حادة وطويلة او وجهك طويل اختاري السلسلة الشوكر والقصيرة عشان تحد من قوة زاوية دقنك و تقصر من طول وجهك وتزبط اكتر لو كانت رقبتك طويلة 
اذا كان وجهك طويل اختاري الحلقان القصيرة والمدورة

اذا كانت اكتافك نحيفة او مساحة الصدر عندك قصيرة اوالرقبة عريضة البسي العقد الي يجيكي نازل على تحت عشان يزيدها طول
ويكبر المساحة

اما اذا كانت اكتافك عريضة وصدرك كبير بعدي عن السلاسل النازلة على تحت لانها ممكن تدخل بين صدرك ويكون منظر ابدا مو حلو
البسي شي ناعم يخفف من حجم صدرك لاتلبسي شي شنكي وكبير يزيده كبر

اما بالنسبة للخواتم اذا كانت ا اصابعك فيها طول وشوية متن فانتي ياسلام عليكي تقدري تلبسي اي حاجة
اما اذا كانت اصابعك قصيرة ابتعدي عن الخواتم الي تغطي لين مفصل الاصباع لانها تزيد من قصر اصابعك 
اختاري الشيء المناسب لحجم اصباعك لا يختفي الاصباع من كبر الخاتم ولا نحط مكبر عشان نقدر نشوف انك لابسة خاتم



واخر حاجة الاساور البانقلز حلوة على البيتيت النحاف 
والاساور النحيفة الناعمة دايما تعطي نحف لليد فاذا كان معصمك مرة نحيف بعدي عنها لانها حتبين نحفه واذا العكس البسيها
راح تنحف يدك وتبان انعم

واكيد اننا نقدر نكسر بعض القواعد احيانا ونبان حلوين ومرتبين 
واحيانا مثلا واحدة رقبتها طويلة وبتموت تبا تلبس حلق طويل عادي طلعي الي بنفسك
بس يوم زواجك لا التركيز كله بيكون عليكي
وهيا ليلة واحدة في العمر لازم اختياراتك تكون موفقة وسليمة 
عشان تباني باحلى شكل flawless 
 و لاتنسو تسوو فولو في تويتر وانستقرام و لايك في الفيس بوك 

You Might Also Like

0 comments